NATIONAL – Ginsigurado han Department of Labor and Employment (DOLE) nga an minimum wage earners ha gawas han Metro Manila in makakatagamtam gihapon han umento ha sweldo.
Sumala kan Labor Secretary Bienvenido Laguesma, lima nga Regional Wage and Productivity Boards an nagtikang na han proseso para han bag-o nga pag-umento han sweldo:
Region 1 (Ilocos), Region 2 (Cagayan Valley), Region 3 (Central Luzon), Region 4A (Calabarzon), at Region 7 (Central Visayas).
Ginmalatumat ni Laguesma nga ini in subay han mando ni Pangulo Ferdinand Marcos Jr nga magdumara hin kadagmitan nga pagrepaso han regional minimum wage rates ha sakob han 60 diyas tikang han katapusan nga wage order.
Mahinunumduman nga an NCR wage board an syahan nga nagpagawas han bag-o nga umento yana nga tuig, nga gin-aprobaran dida han Hunyo 30: usa nga P50 nga umento ha suhol han maabot 1.2 milyones nga mga trabahador ha rehiyon. Epektibo ini tikang Hulyo 18.
An mga gudti nga negosyo nga diri malapos hin 10 nga mga empleyado ngan mga kompanya nga apektado han mga kalamidad o krisis en gintutugutan nga maghangyo hin exemption ha mao nga umento. An mga rehistrado nga Barangay Micro Business Enterprises in exempted gihapon ha balaud han minimum wage.
