TACLOBAN CITY– Utro nagpahinumdom an Department of Labor and Employment (DOLE) Region 8, partikular na an Wages and Productivity Board Region 8 ha mga employers, nga igpatuman na an panibago-o nga minimum wage ha Sinirangan Bisayas, nga nagin epektibo na dida han nakalabay nga Nobyembre 2023.
An Wage Order No. RB VIII-23 ngan RB VIII-DW-04, in nagmamando ha mga pribado nga sektor ha kadugangan nga P30.00 ha mga sweldo han mga magtratrabaho, ngan kadugangan naman nga P500.00 ha sweldo han domestic workers ha rehiyon.
Sumala naman kan Regional Director Atty. Dax Villaruel, han Department of Labor and Employment Region 8, nga pwede magpadangat hin impormasyon an mga empleyado nga diri pa ginsusunod an bago nga minimum wage rehiyon, agud nga matagan hin aksyon .
Ginpatapod naman han mao nga ahensya, nga an bago nga minimum wage ha rehiyon in umagi ha pag istudyo ngan konsultasyon han mga pribado nga sektor.
