NATIONAL – Maghihimo hin legal nga aksyon an Department of Justice kontra ha mga indibidwal nga ada ha luyo han pagpapasarang hin peke nga video nga nagamit daw hin iginbabawal nga droga hi Presidente Ferdinand Marcos Jr.
Sumala kan Justice spokesperson Mico Clavano, ilegal an paghimo nga pagpasarang han nasabi nga video ha ilarom han Article 154 han Revised Penal Code nga nagsisirot ha unlawful publication of materials nga mayda kapresuhan nga usa kabulan ngan usa kaadlaw kutob unom kabulan.
Dugang pa ni Clavano, an pagpapagawas han nasabi nga peke nga video ha mismo nga adlaw han SONA ni PBBM in nagpapahayag hin intensyon nga gubaon an kredibilidad han Presidente.
Ginguguba daw gihapon han malisyoso nga buruhaton an pagtapod han publiko nga hulga ha kahimyang an pagpapasarang han sayop nga impormasyon.
Kasumpay hine, ginpahayag ni Clavano nga committed an DOJ nga padalaganon an balaod ngan himuon an ngatanan han kaangayan nga mga aksyon agud matudlok ngan masirotan an mga responsable han ilegal nga buruhaton.
