NATIONAL – Iginduon han Department of Justice (DOJ) nga dire ‘personality driven’ o direkta ha partikular nga grupo o indibidwal an ginbubuhat nira nga imbestigasyon kasumpay ha mga nawawara nga sabungero.
Ha usa nga pahayag, gintagan-duon ni Justice Undersecretary Raul Vasquez nga waray hira gintutudlok nga personalidad ha ira gindudumara ngan nagpapadayon nga imbestigasyon.
Dugang pa hine, kun anuman an magin kagawsan ngan kahingadtuan han imbestigasyon in nangangaruyag-sidngon la nga hiya an gintututdo han mga ebidensya ngan pangunahon nga mayda kalabutan ha nasabi nga kaso.
Sumala pa kan Vasquez, waray personal nga agenda ha imbestigasyon ngan ginbubuhat la nira an ira trabaho.
Ha presente in ginkumpirma ni Vasquez nga nagpapadayon an mga otoridad ha pamiling han mga ebidensya may paghisumpay ha kaso han mga nawawara nga sabungeros.
Panuyo hine nga mas pakusgon pa an ira mga kaso nga posible nira maipasaka ha korte kontra ha mga personalidad nga matutudlok nga ada ha luyo hine.
