Aminado an Department of Justice nga dire pa nira naisasawalad an mga kaso kontra kan Charlie ‘Atong’ Ang ngan iba pa ha korte kasumpay ha pagkawara han mga sabungeros.
Sumala kan Prosecutor General Richard Anthony Fadullon, iya gin klaro nga plano pala ine igsalawad kumo kaso mahuman an pagpagawas han resolusyon.
Presente pa daw nga ginpipinalisa o gin aayad an mga impormasyon ngan dokumento ugsa an pormal nga pagsasalawad han mga kaso ha kaangayan nga korte.
Posible daw ine mahimo ha masunod nga semana ngan maipasaka ha magka-urupod nga krote han Batangas, Laguna, ngan Parañaque.
Pero ginmalatumat hine nga hahangyuon ha Office of the Court Administrator agud pag-usahon o ig konsolida an mga kaso.
Ginlalauman nga kasunod han pagsasalawad han kaso in igpapagawas naman han korte ha sulod han napulo kaadlaw an ‘warrant of arrest’ kontra ha mga respondents han kaso.
