NATIONAL NEWS- Nagtutuo an Department of Health (DOH) nga posible la gihapon maipatuman an zero balance billing dire la ha Department of Health (DOH) hospitals magin ha iba pa nga ospital ha bug-os nga nasud.
Ha hearing han Senate Committee on Health and Demogaphy, ginpahayag ni Health Secretary Ted Herbosa, ginhimo nira an ngatanan agud nga mahitaas an PhilHealth benefit package, nga makakabulig ha nasabi nga polisiya.
Subay hga kalihim, an mando ni Pangulong Ferdinand Marcos Jr., nga zero balance billing ha tanan nga DOH hospital bisan ine in basic o ward accommodation.
Dugang pa hine, ugsa pa mag-anunsyo an pangulo hin zero balance billing, nag-pilot na hira nga igpatuman an programa ha mga DOH hospital.
An Zero Balance Billing (ZBB) in usa nga programa han PhilHealth nga ada ha sulod han National Health Insurance Program (NHIP).
Panuyo han programa nga masigurado nga dire makukurian ha mga gastuson an mga pasyente, partikular na an mga indigent patients.
