NATIONAL – Igin pahimatngon han Department of Health (DOH) an hulga han baha mahitungod han nae-eksperyensyahan nga mga pag-uran ha nasud dara han habagat ngan naglabay nga bagyong Crising.
Subay ha ahensya, labot ha pagkalunod ngan aksidente, delikado an mikrobyo tikang ha mga basura ngan hugaw tikang ha tubig-baha nga posible magdurot hin sakit nga leptospirosis labi na ha mga kabataan.
Posible daw magkamay-ada hin komplikasyon ha atay, bato, ngan kasing-kasing han indibidwal nga masusudlan an lawas han mikrobyo nga leptospira.
Sanglit, sagdon han DOH, in kaso nga malunod ha baha o dire malikayan nga lumusong ha baha, dayun nga maghugas hin lawas gamit an tubig ngan sabon, dayun gihapon nga kumunsulta ha doktor kun mayda samad o nakaka-eksperyensya hin sintomas hin sakit sugad han hiranat ngan pagsu-ol han kalawasan.
