NATIONAL–Ginsigurado han Department of Health (DOH) nga waray pa mga aktibo nga kaso han Nipah Virus ha nasud ngan padayon an ginbubuhat nga pangangandam han ira ahensya agud nga maiwasan an pagsulod han virus ha borders han Pilipinas.
Sumala kan DOH Assistant Secretary Albert Domingo, kalakip an Pilipinas ha mga nagmamahugot ha mga nasulod ngan nagawas ha borders kalakip an Taiwan ngan Thailand mahitungod la gihapon ha ayat han nasabi nga sakit.
Ginmalatumat hini nga ha ira ongoing monitoring, waray pa nahipatik nga mga mulupyo nga mayada mga sintomas o history hin exposure ha mao nga sakit.
Gin-eksplikar pa han spokesperson, nga basar na gihapon ha datos nga ginhatag han India, 2 la an kumpirmado nga kaso han virus ha ira nasud kun diin nakaabot na gihapon hira ha haros 200 katawo an ira nagin tracing ngan isolation nga ngatanan naman in nagnegatibo ha virus ngan gintutuohan nga contained ha presente.
Labot la hine, nakalatag na gihapon an paggamit hin mga terminal cameras nga ginbabasa an body temperature han mga pasaheros, samtang gin-require naman an pag-fill up ha mga e-travel documents sulod hiton 72 ka oras para ha pagtudlok ha mga nasud ngan nasdyon nga nanguna na nga ginbisita han mga pasaheros nga maagi ha terminal.
Subay ha spokesperson, an mga sintomas han virus in an normal nga naaabat sugad han pagkahiranat, sakit ha kalawasan, sipon, ngan mala-trangkaso nga sakit, samtang an mga mas grabe nga sintomas hini kay an paghuhubag han utok.
Ginpasabot naman han departamento ha mga nakakaabat hin sugad nga ga sintomas nga dire mag-panic kun nakakaabat hin sugad nga mga sakit mahitungod nga diri ini otomatiko nga nangungurag-sidngon nga ini in Nipah Virus.
Samtang, mahitungod nga waray pa bakuna para han nasabi nga virus, ginandam na gihapon han DOH an ira isolation rooms ha mga DOH hospitals ngan magin ha Reasearch Institute for Tropical Medicine ha Muntinlupa kumo mga isolation areas kun pananglitan.
