-- Advertisements --
NATIONAL – Nahipatik han Department of Health (DOH) an padayon nga paghitaas han ihap han mga measles-rubella cases ha nasud.
Tikang han Enero kutob Marso 1 han presente nga tuig in mayda 922 nga kaso na an nahipatik.
Ine in 35% nga mas hitaas kumpara ha parehas nga bulan dida han nakalabay nga tuig nga mayda 683 nga kaso.
Iginkokonsidera han DOH nga ine in nakakabaraka na ha pira nga rehiyon sugad han National Capital Region, Cordillera Adminstrative Region, Ilocos, Bicol, Western Visayas, ngan SOCCSKSARGEN.
Kaurugan han mga naduktan in mga kabtaan nga dire nabakunahan o dire kompleto an mga measles vaccination.
Mahitungod in gin abisuan han DOH an mga kag-anak nga makigsumpayan hira ha mga health centers ha ira mga lugar.
