TACLOBAN CITY– Nahipatik han Department of Health Eastern Visayas, an 9 nga samaran hiton pabuto, tikang han kapaskohan ngada yana nga bisperas han bag-o nga Tuig.
Sumala han Department of Health Eastern Visayas, Head Regional Epidemiology and Surveillance Unit, Boyd Cerro, mas hitaas an numero yana nga tuig kumpara han nakalabay nga tuig.
Dugang pa hini nga ha parehos nga panahon, 5 la an nahipatik nga firecracker injuries han ira ahensya.
Sumala kan Cerro, haros tanan nga nahipatik nga samaran ha pabuto in tikang ha iligal nga pabuto ngan usa ha ira an taga Samar nga nawarayan hin tudlo.
Ha pagkayana in padayon hira nga nagdudumara hin monitoring ha ngatanan nga hospital ha rehiyon ha bisperas han bag-o nga tuig.
Aada gihapon hira ha code white alert status, karuyag sidngon nga andam na hira ngan sugadman an mga kagamitan ha kaso nga may mga diri ginlalauman nga panhitabo durante han Bisperas han Bag-o nga Tuig.
Nanawagan gihapon ini ha publiko, nga magin talwas ha ngatanan nga oras, ngan kun mahihimo likayan an mga pabuto nga nakakahatag hin peligro ha panlawas ngan seguridad han ngatanan.
