TACLOBAN CITY – Utro nga nagpahinumdom an Department of Health (DOH) Regional Office 8 ha publiko nga dire magpakakampante ngan dire magtagya ha kaluyo han hitaas nga recovery rate han mga COVID-19 patients ha bug-os nga rehiyon.
Una hini, sumala kan Dra. Minerva Molon, Regional Director ha DOH 8, ha pagkayana in maabot na ha 93% o 607 han 653 nga COVID-19 patients ha rehiyon an nagpakarekober na ha mao nga sakit.
Maabot naman ha pito nga new confirmed cases an naidugang kakulop nga adlaw ngan 28 nga new recoveries.
Ha kaluyo han hitaas nga recovery rate in nagpahinumdom naman an mao nga opisyal ha publiko nga dire magtagya lugod in padayon la nga magsunod ha mga health protocols.
Gintagan hini hin duon an dako nga bulig ngan importanya han pagsul-ot han face mask, pag-obserbar han social distancing ngan pagpapakusog han resistensya.
