TACLOBAN CITY – Positibo an Department of Health (DOH) ha Eastern Visayas nga mas mahitaas pa an recovery rate ha mga coronavirus disease (Covid-19) patients.
Base ha datos han buhatan panlawas, mayda nala 40 nga actibo nga kaso ha rehiyon as of July 14, 2020.
Ini in nagpapamatuod la daw nga ensakto an ginbubuhat han mga local government units (LGUs) ha pag ato han mao nga sakit.
Tkang ha pagtikang han Covid-19 pandemic, nakaghipatik an Eastern Visayas hin 653 nga mga confirmed Covid-19 cases, kaupod na an 610 (93.42 percent) recoveries ngan tulo nga namatay .
An 40 naman nga mga Covid-19 patients in nagpapabilin ha mga isolation facilities nga ginhimo han mga munisipyo ngan mga syudad.
Sumala kan Dr. Minerva Molon, RD han DOH an hitaas daw nga recovery rate in mahitungod nga damo ha mga pasyente an mga asymptomatic sanglit madali hira maupay
Mababaruan nga ha tanan nga COVID -19 pasyente ha rehiyon , 595 or 92 percent han mga ini in asymptomatic, 48 an mayda mild symptoms ngan tulo na an severe cases.
