TACLOBAN CITY – Nanawagan an Department of Health (DOH) Regional Office 8 ha mga kag-anak nga humabol ha pagpabakuna han ira mga anak ala kontra ha tipdas ngan polio san-o mahuman yana nga bulan han Pebrero.
Sumala kan Jelyn Lopez, tagapagyakan han DOH Eastern Visayas, ha pagkayana in ada pala ha 70.21% o maabot ha 322, 094 nga mga kabataan nga nag-eedad 9 to 59 months old an nabakunahan na han measles rubella vaccine.
Samtang, ha 535, 657 nga mga kabataan naman nga target han DOH ha oral polio vaccination in maabot pala ha 370,991 o 69.26% an nabakunahan.
An mao nga ihap in harayo pa ha 95-100% nga target han DOH sanglit mas ginpahugot ha pagkayana an vaccination activities han mga health workers ha rehiyon kun diin pati hiton adlaw hit Dominggo in nakarawat hira hin mga magpapabakuna.
Naglalaum naman an DOH nga dire mahahadlok an mga kag-anak nga igpailarom ha pagpapabakuna an ira mga anak agud nga makab-ot an target vaccination han ahensya yana nga bug-os nga bulan han Pebrero.
