TACLOBAN CITY- Nananawagan an buhatan han Department of Health (DOH) Regional Office 8 ha publiko nga batasanon nga maglimpyo han tagsa nga mga bungsaran agud nga dire pamugaran han mga lamok.
Sumala kan Jelyn Lopez Malibago, Infomation officer han DOH-8, nga kaudgan mangud nga nagbobonay an mga lamok ha lugar nga masi-ot, masirom, ngan sugadman damo an nakatambak nga mga basura, ilabi na an mga kaliding nga mayda mga tubig tikang ha uran.
Mababaruan nga maabot ha 100-200 nga bonay an akos nga iggawas hiton lamok ha kada nagbobonay ine, sugadman kaudgan in nagbobonay an mga ine ha sulod han 1-3 ka-adlaw.
Dugang pa han mao nga opisyal, kinahanglan nga mag-ikmat an publiko matungod nga dire la usa o duha nga mga baby mosquito an nabubuhi ha kada nagbobonay an usa nga lamok.
Kinahanglan maghirot ha tanan nga higayon, takloban an mga drum, balde palangana, o bisan anu pa nga pwede pagbonayan han mga kalamokan, ngan sugadman in igmentinar an pagigin malimpyo han iyo panimalay.
