NATIONAL NEWS- Ha kaluyo nga abre ha Department of Finance (DOF) an naitala nga 1.7 percent inflation rate hadton October, nagpapabilin nga nagbabantay an ahensya ha mga posible nga hulga ha paghitaas han presyo han papliton kalakip na an mga kalamidad ngan external market factors nga posible maka-apekto ha ekonomiya.
Sumala kan Finance Secretary Ralph Recto, an average year-to-date inflation in ada ha 1.7% ngan mas hamubo an target range han economic managers nga 2.0% -4.0%.
Dugang pa ni Recto, nga an pagpapabilin han hamubo nga inflation in naghahatag hin oportunidad para ha Bangko Sentral ng Pilipinas (BSP) nga utro mag-relax hiton policy interest rates agud nga pakusgon an household spending ngan suportahan an pagribhong hiton ekonomiya.
Gintagan duon gihapon han kalihim, nga pamatuod ine han epektibo nga pagbibinuligay han magkalain-lain nga ahenysa han gobyerno agud nga mapabilin an sadang nga suplay han pagkaon ngan mapahamubo an presyo han mga pangunahon nga papliton.
