-- Advertisements --
NATIONAL NEWS– Nagtutuo hi Department of Finance (DoF) Secretary Ralph Recto nga maipapatuman an pagbubuhis ha mga online gambling yana nga katapusan hiton tuig.
Kasunod ine han nagtitikadamo nga manbaralaod an nagpapahayag hin suporta nga maundang na an online gambling matungod ha nagtitika-grabi nga adiksyon nga durot hine.
Dugang pa ni Recto, posible nga maipasa yana nga tuig han Kongreso an balaodnon nga nagbubuhis ha mga online gambling.
Ha pagkayana, nakikipagsumpayan na gihapon an Dept. of Finance ha Philippine Amusement and Gaming Corp.(PAGCOR) para mahibaruan an potensiyal nga kuhida pananglitan nga maipatuman an pagbubuhis.
