NATIONAL–Naglunsar an Department of Energy (DOE), upod han Department of Information and Communications Technology (DICT), hin electronic complaint platform para ha publiko nga nagtutumong nga ig-report an mga gasolinahan nga natalapas ha fuel pricing rules o nakaka-abat hin fuel shortages, durot han tensyon ha Middle East.
Sumala ha DOE, pwede magpasa hin mga reklamo pinaagi han eReport tab ha eGov app. Kinahanglan nga pillion han mga nagamit an “Gas Station Concerns” option, ig-fill an ginkikinahanglan nga detalye, ngan igtudlok kun an isyu ion presente nga ginaabat o naabat na han una.
Kalakip ha mga pwede ig-report:
-Panic buying o halaba nga pila ha mga gasolinahan
-Fuel hoarding o duro nga pagpalit hiton petroleum products
-Dire pagsunod ha fuel pricing, sugad han dagmit ngan dako nga paghitaas han presyo sulod hiton usa nga semana-Dire otorisado nga paghitaas han presyo o pagtalapas ha pricing regulations
-Dire otorisado nga paghitaas han presyo o pagtalapas ha pricing regulations
-Pagsikway ha pagbaligya hinhin gasolina o iba pa nga petroleum prodructs
-Kakulangan hin fuel o limitado hasta waray ha mga produkto ha istasyon
Ginpahayag han DOE nga nakikipagbulig ine ha Department of the Interior and Local Government (DILG) ngan Philippine National Police (PNP) agud nga igpakusog an monitoring kontra ha possible nga hoarding ngan profiteering.
Nakarawat na gihapon han ahensya an mga syahan nga reports ngan ebidensya hin possible nga iregularidad ha pira ka parte han Luzon ngan Mindanao.
An pitad in kasumpay ha pagsasara han Strait of Hormuz, usa nga pangunahon nga global shipping corridor ha parte han iran ngan Oman, mahitungod ha komosyon ha rehiyon dabi hiton United Stated, Israel ngan Iran.
An strait in gintutudlok nga usa ha pinakaimportante ga ruta han pag-export hin lana ha kalibutan, nga nag-susumpay ha pngunahon nga Gulf oil p[roducers pakadto ha Gulf of Oman ngan Arabian Sea.
Syahan nga ginpahayag han DOE nga dapat an mga pump prices tikang han Marso 6 kutob Marso 9 in dire dapat lumagpas ha:
-Gasoline (RON 97/100): P53.70 – P76.50/litro
-Gasoline (RON 95): P50.00 – P71.04/litro
-Gasoline (RON 91): P49.00 – P64.70/litro
-Diesel: P49.00 – P66.59/litro
-Diesel Plus: P56.80 – P74.81/litro
-Kerosene: P78.90 – P99.89/litro
