NATIONAL – Nahangyo an Department of Energy han P3.8 billion budget para ha tuig 2026, mas hitaas hin 24.44% kumpara ha P3.1 billion yana nga tuig 2025.
Kaupod ha panukala an P500 million para ha total electrification project ngan P6.4 billion para national rural electrification program, kumo suporta ha panuyuan ni Pres. Ferdinand Marcos Jr. nga makab-ot an 100% electrification ugsa mahuman an iya termino.
Panuyuan gihapon han budget nga pakusgon an clean energy han nasud. Makakrawat gihapon hin P198 million an Renewable Energy Development Program ngan P460 million an Alternative Fuels and Energy Technology Program nga natutok ha electric vehicles, LPG, ngan CNG.
Target han DOE nga maabot an 35% renewable energy share ha power mix han nasud pag-ulpot han 2030.
Samtang, madagmit naman nga ginaprubaran han House Committee on Appropriations an proposed P3.8 budget han DOE para ha tuig 2026, mahuman tapuson an deliberasyon ha sakob la hin pira ka-minuto.
