NATIONAL – Ginedorso han Department of Energy ha National Grid Corporation of the Philippines an 17 renewable energy projects para ipailarum ha system impact study nga kinahanglan agud masabtan kun akos han grid an dugang nga suplay han kuryente.
Maabot ha 3,800 megawatts an posible maihatag han mga proyekto ha grid, kaupod an wind, solar, hydro ngan battery energy storage systems nga may kabug-usan nga 392 megawatt-hours.
Ginparayaw ha listahan an 1,246MW wind project han CI San Jose Corp. Kaupod gihapon an iba pa nga dagko nga proyekto sugad han 500MW San Roque OSW, 180MWp Agrovoltaic solar, ngan 192MWh BESS han Embrace Nature Power.
Ha kabug-usan maabot na ha 78 an SIS endorsements han DOE yana nga tuig.
Nagpagawas gihapon an DOE hin upat nga certificates of endorsement ha ERC para ha mga solar ngan diesel projects nga naghuhulat hin permits to operate.
