NATIONAL NEWS– Gin-anunsyo han Department of Energy (DOE) kasugbong an Department of Social Welfare and Development (DSWD) ngan Energy Regulatory Commission (ERC) nga ira na ginpapadagmit an pag-finalize han polisiya nga maghahatag hin waiver ha kuryente para ha mga kwalipikado nga low-income households nga nakonsumo hin 50 kilowatt-hours (kWh) o mas hamubo pa ha kada bulan.
Subay ha bag-o nga guidelines, ginlalauman nga ugsa magpasko in magkakamayda hin 100% “Lifeline Rate” discount an mga benepisyaryo han Pantawid Pamilyang Pilipino Program (4Ps) nga dire na kinahanglan pa nga mag-aplay ha mga opisina han utility.
Mababaruan nga kinahanglan pa han mga 4Ps beneficiaries nga pumakadto ha ira electric cooperatives agud nga mag-apply para ha Lifeline Rate, nga nagigin resulta han hamubo nga ihap han mga aplikante matungod ha problema ha pamasahe.
Subay ha Energy Secretary Sharon Garin, panuyo han gobyerno nga tangalon an balaong ngan himuon nga mas madagmit an proseso para ha mga low-income nga konsyumer.
