Ginkondena ni Defense Sec. Gilberto Teodoro Jr. an China Daily mahuman ini magpagawas hin usa nga social media post nga naglalarawan ha mga Pilipino kumo mga unggoy kasumpay han isyu ha arbitral ruling ha West Philippine Sea.
Sumala kan Teodoro, an nasabi nga post han Chinese state media outlet in nagpapakita han opinyon han Chinese Communist Party ha mga Pilipino.
Ginpagawas an kontrobersyal nga post han China Daily dida han Hulyo 10, duha ka-adlaw ugsa an ika-10 nga anibersaryo han makasaysayan nga desisyon han Permanent Court of Arbitration nga nagkikilala ha katungod han Pilipinas ha Exclusive Economic Zone hini ha WPS.
Ha ginpagawas nga pahayag dida han Huybes han gab-i, ginmalatumat ni Teodoro nga an pagpapakita ha Pilipino kumo unggoy in usa nga klase han panguguti ngan propaganda kontra ha nasud.
