Gin kwestyon ni Defense Secretary Gilberto Teodoro Jr. an daw dire pagkakatugma han dig-on han China ha international law, partikular ha United Nations Convention on the Law of the Sea o UNCLOS.
Sumala kan Teodoro, nagpahayag an Beijing hin suporta ha UNCLOS ngan mahimyang nga pagresolba han mga kasamokha kahuhuman nga ASEAN Defense Ministers’ Meeting-Plus o ADMM-Plus ha Cebu. Sugadman, dire naman ginkikilala han China an 2016 Arbitral Ruling nga nagpapawaray-bisa ha haluag hini nga pag-aangkon ha West Philippines Sea, nga iginpagawas subay ha nasabi nga internatinal eonvention.
Igindiwara gihapon ni Teodoro an alegasyon han CHina nga gintuyo han Pilipinas nga pugngan an pagbulig hini ha katitirok ngan dire maupay an pagkapot ha mga imbitasyon. Duon hini, waray iba nga nasud nga membro han ASEAN an direkta nga nagpahayag han iya reklamo kasumpay ha nasabi nga istoryahon. Kun may huna-hunaon man an China, ginmalatumat hini nga dapat in igindaop hini ha mga membro han ASEAN.
Ha kaluyo han dire pagkakaintidihay, gin malatumat ni Teodoro nga nagin malinangpuson an pagharampang han pag-ursa ha kooperasyon nga pandepensa han mga nasud ASEAN ngan ira mga kasugbong. Kaupod dinhi an syahan nga ASEAN interoperability exercise nga Trident Sword, nga nakapukos ha humatarian assistance ngan disaster reponse, ngan an pinakasyahan nga joing cooperative activity ha Subic ha ilarom han maritime security working group han Pilipinas ngan Japan.
