NATIONAL NEWS– Gin-aasikaso na han Department of Migrant Workers (DMW) an repatration request han 223 Overseas Filipino Workers (OFW) ha Israel.
Sumala kan DMW Secretary Hans Leo Cacdac, kalakip na gihapon nira nga gin-aasikaso an mga kikinahanglanon ha biyahe han 30 nga Filipino nga magigin syahan nga batch nga mauli ha nasud.
An nasabi nga grupo in ginkakalakipan hiton 26 OFW nga umabot ha Jordan.
Nakatalaan nga ha adlaw hiton Martes maabot an 26 nga OFW nga uupdan pa hin 3 nga Pinoy tikang ha Jordan ngan 1 naman tikang ha West Bank.
Ginsigurado ni Cacdac nga an mauli nga mga OFW in makaka-karawat hin sadang nga bulig tikang ha gobyerno.
Dugang pa hine, pag-abot ha nasud in matatagan an mga ine hin
P150,000 nga financial assistance, training vouchers tikang ha Technical Education Skills Development Authority (TESDA), allowances, psychosocial counseling ngan post-arrival medical check-ups.
Mababaruan, nga ha pagkayana, ada ha Alert Level 3 an Israel ngan Iran matungod ha padayon nga giyera.
