-- Advertisements --
TACLOBAN CITY — Patay an usa nga dispatcher mahuman nga pagpusilon hin riding in tandem ha Poblacion Distric 4 han Burauen Leyte.
Ginkilala an biktima kan Regundo Hernani Francisco, alyas ‘Longlong”, 50 anyos an pangidaron ngan residente han mao nga lugar.
Subay ha inisyal nga imbestigasyon nga nagbabaktas an biktima nga tikang pala ha pag madjong han tigda nala ini nga pagpusilon han waray pa makilal-e nga mga suspek.
Sumala kan PSInsp Edgar Rememdaban, hepe han Burauen PNP, nga damo an ira ginkikita nga anggulo ha pagpusil-patay ha biktima ngan usa na dinhi an love triangle.
Nagpapadayon naman an imbestigasyon han mga kapulisan kabahin han mao nga insidente
