TACLOBAN CITY – Ginpahibaro han Department of Trade and Industry (DTI) 8, nga nagpapadayon an ira ginhihimo nga Diskwento Caravan kun diin presente ine nga gindudumara ha Borongan City.
Sumala kan Eleonor Etulle, Chief Consumer, Protection Division, Department of Trade and Industry (DTI) 8, kinada tuig gindudumara an nasabi nga aktibidadis kasugbong an pira nga mga negosyante ha rehiyon.
Panuyuan hine nga makaghatag hin bulig ha mga estudyante ngan kag-anak nga makag budget ngan makapalit hin barato nga school supplies.
Ha lain nga bahin, kalakip gihapon ha nasabi nga caravan an mga discounted nga basic commodities sugad han bugas, hygiene products ngan iba pa.
Ginpaangbit naman ni Etulle, nga dinhi ha Tacloban waray makag dumara matungod nga gingahol an mga ine ha oras matungod nga magtitikang na mangud an pag-abri han klase sunod nga semana.
