JAVIER, LEYTE – Usa nga disgrasya ha kadalanan an nahipatik ha national road han Brgy. Sta. Cruz, Javier, Leyte nga gin kadabihan hin usa nga nga motorpot (tricycle) ngan single nga motorsiklo.
Ginkilala an driver han tricycle kan alyas Lito, residente han Abuyog, Leyte, samtang an driver naman han motorsiklo an in ginkilala kan alyas Berto, residente han Javier, Leyte.
Sumala kan Javier Municipal Police Station Duty Investigator, PSSgt. Vicente Navidad, nagbungguay an duha nga sarakyan pag-abot ha nasabi nga lugar mahitungod nga uminsima an motorskilo ha tricycle.
Basar han inisyal nga imbestigasyon, parehas tikang ha Brgy. Rizal an duha nga sarakyang ngan ginsusubay han mga ine an kadalanan tipakadto ha proper han Javier, kun diin pag-abot han mga ine ha may Brgy. Sta. Cruz in uminsima an motorsiklo ha nauuna hine nga tricycle.
Kun diin, nawarayan ine hin kontrol ngan bumunggo ha side wheel han tricycle, rason han kahulog han mga sakay nga pasaheros han tricycle ngan katumba han motorsiklo tipakadto han drainage han kanal.
Nag-angkon naman hin mga kasamdan ha lawas an mga ine kun diin dayun gihapon an mga ine narespondehan nga gindara ha Abuyog District Hospital.
