BASEY, SAMAR – Dead on arrival an usa nga biktima mahuman nga madisgrasya ha kadalanan harani ha sementeryo han Basey, Samar.
Ginkilala an biktima nga usa nga caretaker hin usa nga funeral parlor ha nasabi nga lugar, 46-anyos, ngan residente han Brgy. Buscada, Basey, Samar.
Sumala kan Basey Municipal Police Station Chief of Police, PMaj. Niño Cabañas, bumunggo ha poste ngan ha pader han usa nga nitso an biktima.
Subay ha inisyal nga imbestigasyon, nagbibiyahe an biktima tipakadi ha direksyon han may San Juanico Bridge, kun diin pag-abot hine ha lugar han insidente in nagduru-diretso ine ha may butnga han poste ngan pader han usa nga nitso ngan nahimalmal an ulo hine rason han dayun hine nga kamatayon.
Dayun naman ine nga narespondehan han rescue team han MDRRMO han nasabi nga lugar, ngan gindara ha Basey District Hospital pero gin deklara na ine nga dead-on-arrival.
Maikokonsidera naman daw ine nga self-accident mahitungod nga waray man iba nga dabi ha nasabi nga insidente.
