SPORTS – Ginsuspinde han National Basketball Association hi Phoenix Suns forward Dillon Brooks mahuman mahipatik an iya ika-16 nga technical foul yana nga season.
Sumala ha aludayday han NBA, an usa nga player o coach in otomatiko nga masususpinde han usa nga mulay hin waray bayad kun umabot na ha 16 an nakakarawat nga technical foul ha regular season. Ha kada duha nga kadugangan nga technical foul mahuman an ika-16 in utro ig-sususpend.
Ha kaso ni Brooks, maabot la hiya hin 49 nga mulay yana nga season ugsa makumpleto an 16 nga technical fouls. An pinaka-urhi in han magkaatubang an Suns an top-seeded team nga Oklahoma City Thunder, kun diin hira in napirde ha iskor nga 136-109.
Mahitungod han suspension, waray makagmulay hi Brooks ha siyahan nga mulay han Suns mahuman an All-Star break kontra San Antonio Spurs.
