TACLOBAN CITY – Personal nga umatendir hi Department of Interior Local Government o kun DILG Secretary Benhur Abalos han paghatag hin pagkilala ha mga Local Government Units ngan sugad man Probinsya ha bug-os nga Sinirangan Bisayas nga mga drug cleared areas ngan sugad man gihapon an BIDA Roll out o kun Buhay Ingatan, Droga’y Ayawan nga programa han gobyerno para maatuhan an pagsarang han ilegal nga droga.
Sumala kan DILG Secretary Benhur Abalos nga para maatuhan an iligal nga droga, in kinahanglanon nga gumius itun mga katawhan, diri la han gobyerno mahitungod nga nagkikinahanglan ini hin whole nation approach.
Natuo gihapon hi Abalos nga kinahanglanon nga ig upod ha pakikiato an mga LGU’s, Provincial Government, Barangay Anti-Drug Councils (BADAC), local institutions, simbahan ngan iba pa.
Kinahanglanon daw gihapon nga itun mga kabataan in mas pauswagon pa itun ira mga skills, talents pinaagi ha mga programa sugad han talent show, sports, o bisan ano paman nga mga aktibidad nga magpapahitaas han ira kumpyansa ha kalugaringon.
Dugang pa hini nga dako manggud itun naidudurot nga impluwensya han barkada o mga kasangkayan han usa nga bata, sanglit kinahanglan daw nga magburubligay gihapon iton usa nga youth ngan giyahan iya ig-kasi youth ha kaupayan.
Umatendir gihapon ha nasabi nga roll-out in an magkadurudilain nga mga alkalde ha Sinirangan Bisayas sugad kan Ormoc City Mayor Lucy Torres- Gomez ngan an mga Gobernador sugad kanda Leyte Governor Jericho Petilla, Southern Leyte Governor Damian Mercado, Eastern Samar Governor Ben Evardone, ngan Samar Governor Sharie Ann Tan.
