NATIONAL NEWS– Ginpahayag ni Interior Secretary Jonvic Remulla an iya duro nga pagbalabag ha dire makatawo an alegasyon ha Philippine National Police (PNP) nga maaram an mga ine kun hain nagtatago hi Atong Ang para makuha an P10-milyong reward para ha iya pagka-aresto.
Dugang pa hine, ginhihimo hiton mga ahensya han balaod an tanan nga pitad agud nga madakop na hi Ang.
Ginmalatumat pa ni Remulla, nga ha kaluyo nga waray pa kompirmado nga impormasyon nga nakalakat na hi Ang ha nasud, dire la gihapon ine ginwawara hiton mga otoridad.
Ha pagkayana, nakikigsumpayan na an PNP chief ha Interpol agud nga mahibaruan kun mayda sightings hi Ang ha iba nga nasud, labi na ha Southeast Asia.
Manunumduman han nakalabay nga semana, gin-anunsyo an P10-milyong reward para ha impormasyon mga magdadara ha pagka-aresto kan Ang.
