TACLOBAN CITY – Nanawagan an Department of Interior and Local Government (DILG) Regional Office 8 ha kada local government unit nga himuon nga hapsay an transition of powers ngan responsibilities ha mga newly elected officials han ira bungto.
Ini in kaparte han ira programa para ha Newly Elected Officials (NEO) kun diin sumala kan Myles Colasito, information officer han DILG, syahan hini nga component an hapsay nga pagturn over han mga ekipahe ngan mga dokumento tikang ha mga dati nga opisyales ngada ha bag-o nga mga opisyales nga gintudlok han nakalabay nga May 13 midterm elections.
Dugang pa hini nga kinahanglan nga tanggalon o kalimtan na han mga nagkandidato nagdaog man o waray an ira mga political grudges para ha ikauupay han mga molopyo nga ira pagsisirbehan.
Una hini, nagpagawas an DILG hin Memorandum Circular No. 2019-39 nga naghimo han Local Governance Transition Teams kun diin nakatuka ini ha pagdumara hin inventory han LGU properties, pagsecure han mga official documents ngan records han LGU transactions ngan iba pa.
Andam naman an DILG pinaagi han Local Government Academy ha pag-train han mga newly elected officials agud nga matagan hin aram an mga ine han ira mga responsibilidad ngan paghimo han ira mga development roadmaps.
