NATIONAL – Nagpatapod nga maghahatag hin bulig ngan hin kadugangan pa nga assistance an Department of Interior and Local Government (DILG) para ha mga Pilipino nga aadto ha Israel labi na kun dumuro na an tensyon ha butnga han Iran ngan Israel.
Ine an nagin pahayag ni DILG Secretary Jonvic Remulla mahuman nga tapuon an 17 nga opisyal nga nakabalik ha Pilipinas tikang ha ira gin atenderan nga study tour ha Israel.
24/7 daw gihapon nga naka-monitor an ira buhatan agud makasigurado nga talwas nga makakabalik ha nasud an mga opisyal hin waray nagigin aberya.
Kasunod hine, gin sigurado gihapon ni Remulla nga naka-andam an ira buhatan, kaupod an Department of Foreign Affairs (DFA) ngan magin an Office of the President (OP), para ha rumesponde ha mga kababayan nga nagpapabilin ha nasabi nga nasud ha butnga han tensyon sa butnga han Iran ngan Israel.
Samtang, naka-andam naman an mga buhatan nga magdara hin mga eroplano in kaso mayda pa mga Pilipino nga nanginginahanglan hin bulig para mabalik ha nasud, agud masigurado an katalwasan han mga ine.
