NATIONAL NEWS– Imposible nga tugutan an “work from Hague” para kan anay Pangulong Rodrigo Duterte.
Ine an nagin pahayag ni Interior Sec. Jonvic Remulla, mahuman nga magdaog an anay presidente ha mayoralty race ha Davao City.
Ginmalatumat ni Remulla nga igpapahibaro niya ha International Criminal Court (ICC) kun posible igpadara han Pilipinas an usa nga konsul agud nag manumpa hi anay Pangulong Rodrigo Duterte kumo alkalde han Davao City.
Ha kaluyo han iya pagkakapreso ha ICC matungod ha mga alegasyon han crime against humanity, hi Duterte in opisyal nga gindeklara nga alkalde han Davao City.
Nagdaog hi Duterte nga mayda sobra 662,000 nga botos kontra ha iya katugbang nga hi Karlo Nograles, nga nakakuha la hin 80,000 nga botos.
Matungod hiton iya kapreso, an iya anak nga hi Davao Vice Mayor Sebastian Duterte an magsisirbi nga acting mayor ha panahon nga waray hiya.
