NATIONAL NEWS– Gindiwara han Department of the Interior and Local Government (DILG) nga igbubutang ha hospital arrest o gintagan hin preferential treatment an anay manbaralaod nga hi Arnolfo Teves Jr. mahuman ine nga ma-discharge tikang ha Philippine General Hospital (PGH).
Ginpahayag ni DILG Sec. Jonvic Remulla nga gintugatan hiton ospital nga ma-discharge hi Teves sanglit sakto na an panlawas hine para ha incarceration o pagkakapreso.
Gintagan duon gihapon han kalihim nga kun ada ha sulod han presuhan hi Teves wara bisan anu nga preferential treatment ha iya ngan ginkokonsidera ine nga kapareshos han kadam-an nga mga preso.
Padayon naman nga ginsisigurado han Bureau of Jail Management and Penology (BJMP) an katalwasan ni Teves ngan tanan nga mga persons deprived of liberty (PDLs) ha ira kustodiya.
Manunumduman, naka-abat hi Teves hin abdominal pains ngan magpapabilin ine nga babantayan an iya panlawas mahuman nga magpailarom ha appendectomy ha PGH han nakalabay nga Hunyo 18 han presente nga tuig.
