METRO MANILA – Ginanunsyo ni Department of the Interior and Local Government Sec. Jonvic Remulla nga nagpagawas na an interpol hin Red Notice kontra kan Atong Ang.
An Red Notice in usa nga hangyo ha mga lawmakers ha bug-os nga kalibutan nga pamilngon ngan dakpon an usa ka-tawo samtang nakadelatar an extradition, pagsurender, o sugad nga legal nga pitad.
Ginhangyo han Criminal Investigation and Detection Group an Red Notice dida han Enero kasunod han pag-iisyu han arrest warrants kan Ang ngan ha iba pa nga kapwa akusado hini ha multiple counts han kidnapping with homicide ngan kidnapping ngan serious illegal detention kasumpay han kaso han mga missing sabungeros.
Kasunod hini, ginanunsyo gihapon ni Remulla nga nasipatan hi Ang ha CALABARZON duha na ka-adlaw an nakalalabay.
Manunumduman nga siyahan na nga ginpahayag ni Remulla nga hapit na nira makorner hi Ang.
