TACLOBAN CITY – Andam na an Department of Interior and Local Government (DILG) Regional Office 8 ngan an mga bungto ha bug-os nga Sinirangan Bisayas para han nakatalaan nga pagdumara han Synchronized Liga ng Barangay Municipal Chapter Elections yana nga Hulyo 16, 2018.
Sumala kan Atty. Fernan Alonzo, Lelgal Unit han DILG 8 una na nga nagtindog hin mga komite ngan nagfile hin certificate of candidacy an mga makandidato ha mao nga LNB elections nga mga newly elected Brgy. officials.
An mga magdadaog han Liga ng mga Baranggay, nga dati nga gintatawag nga Association of Barangay Captains (ABC) in amo an magiging representante han kada barangay agud nga maipadangat an mga problema nga ira ginkakaatubang ha ira lugar.
Pagkahuman han mao nga eleksyon in igpapailarom liwat ha training an mga panibag-o nga mga barangay official.
