NATIONAL – Igin kalipay han grupo han Digital Pinoys an kamaduhan han Bangko Sentral ng Pilipinas (BSP) nga tanggalon an ngatanan han icon ngan link tikadto ha mga online platforms, tikang ha mga e-wallet applications.
Subay ha Digital Pinoys, usa nga consumer advocay group, ginsusuportahan nira an pitad han BSP kumo kaparte han mas haluag nga kampanyang kontra ha nagtitikaduro nga problema han online sugal ha nasud.
Natuod hi Ronald Gustilo, convenor han grupo, nga an pagkakamay-ada hin direkta nga access ha mga gambling sites ha sulod han e-wallter apps in nagigin dalan agud mas madagmit nga makagsugal an mga Pilipino, kaupod na an mga kabataan.
Dugang pa han advocacy group, kinahanglan magdumara hin mas halarom nga imbestigasyon an mga otoridad agud matudlok kun patiunan-o nakasulod an mga gambling links ha mga app nga ginagamit ha adlaw-adlaw nga transaksyon.
