Igin duon han Department of Foreign Affairs (DFA) nga dire pwede magkansela hin passport hin waray mando tikang ha korte.
An pahayag han ahensya in kasunod han akusasyon ni Navotas Rep. Toby Tiangco nga “ginla-lawyer” daw han ahensya ni anay congressman Zaldy Co ha pagdiwara nga kanselahon an iya passport.
Subay ha DFA, gintutugutan la an pagkansela han pasaporte subay ha mga rason nga sigurado nga rason ha ilarom han New Passport Law sugad han mga pasaporte han mga pasaporte nga nagagamit ha panlimbong, na-tamper, o naihatag hin may sayop, ngan kun nasirotan ha korte an usa nga tawo kumo pugante.
Gintagan-duon gihapon han DFA nga an proseo in subay ha balaod ngan dire pwede gamitan hin impluwensya hin usa nga pulitiko.
Samtang, iginduon naman ni Rep. Tiangco nga mayda kapas an sekretarya han DFA ha ilarom han Administrative Code nga kanselahon an passport ni Co kumo national security, public safety o public health, bisan paman kun waray mando han korte.
