NATIONAL–Ginkompirma han Department of Foreign Affairs (DFA) nga waray nasamaran nga Pilipino kasunod han panmumusil ha Bondi Beach Sydney, Australia na nabilin hin 12 katawo nga patay ngan 30 nga nasamaran.
An insidente in natabo han ika 14 han Disyembre, ha samtang ginseselibrar an Hanukkah han mga Jewish Communities kun diin damo nga tawo an nagkatitok.
Sumala kan New South Wales Police Commissioner Mai Lanyon, usa nga suspek an namatay ha lugar ngan mayada usa pa nga ada ha kritikal nga kondisyon.
Gin-iimbestigahan pa kun mayada kaupod nga ikatulo nga gunman an mga suspek.
Natad-an gihapon han mga otoridad an mga inaligar nga gingamit nga improvised explosive devices ha lugar.
Ginkondena naman ni Prime Minister Anthony Albanese an insidente, nga gintawag nga usa nga targeted assault kontra ha Jewish Community.
Nagpaangbit naman hin pakikisubo an DFA ha mga biktima ngan ha ira mga pamilya, ngan ginpahinumdom ha mga Filipino ha Sudney nga magpabilin mga alerto ngan sumunod ha mga abiso han mga otoridad.
Pinapabinumdoman gihapon an mga nanginginahanglan hin bulig nga makipag koordinar ha Philippine Consulate General ha Sydney.
