NATIONAL NEWS- Iginbalik na ha Senado hi anay Bulacan assistant district engineer Brice Hernandez mahuman an hearing ha Pasay Regional Trial Court Branch 112 kasumpay ha iya ginhaon nga Writ of Amparo petition.
Nagpailarom hi Hernandez hin medical examinination mahuman na maibalik ha Senate detention facility.
Ha surat nga ginhaon han iya mga abogado kan Senate President Vicente “Tito” Sotto III, ginhangyo an utro nga pagkarawat kan Hernandez ha Senate Detention Facility.
Ginpahayag han kampo ni Hernandez an ira pagtapod nga magsisirbe nga susbaranan hiton disiplina ngan patas nga pagtrato nira Sotto ngan Senate Blue Ribbon Committee Chairman Ping Lacson.
Ginlalauman naman nga maatubang hi Hernandez ha masunod nga hearing ha Blue Ribbon Committee.
Ginpaburan naman ni Sotto an hangyo ngan ginkilala ine han Korte.
