Iginparayaw ni House Prosecutor ngan Bicol Saro Partylist Rep. Terry Ridon nga pakyas an depensa nga mabungkag an kredibilidad ni Commission on Audit-Intelligence and Confidential Funds Audit Office (COA-ICFAO) supervising auditor Xylene Mae del Campo.
Sumala kan Ridon, nagpapabilin nga madig-on an mga testimonya ni del Campo ha impeachment trial kasumpay ha sayop nga paggamit ni Vice President Sara Duterte han confidential fund nga mayda kabug-usan nga kantidad nga P612.5 million.
Duon ni Ridon, klaro ha mga iginpahayag ni del Campo nga gintalapas han Office of the Vice President ngan Deparment of Education ha ilarom han pagmamangulo ni VP Sara an mga restrictions ha mga aktibidad ngan butang nga posible paggastusan han confidential funds.
Ginmalatumat ni Ridon nga bisan man kun mayda gudman mga surveillance activities o confidential activities nga ginamitan han confidential funds, dire naman ini suprisyente nga pamatuod nga nahimo ini ngan nagin malinangpuson.
Nagawas gihapon ha pagdungon nga an ebalwasyon ngan rekomendasyon ni del Campo an nagin paagi ha pag-iisyu han Notice of Disallowance dida han Agosto 8, 2024 nga nasakop ha paggamit han confidential funds han OVP tikang han Disyembre 21 kutob 31, 2022.
