Gin malatumat ni House Senior Deputy Minority Leader Mamamayang Liberal (ML) party-list Leila de Lima nga waray bug-at ha impeachment proceedings an mga pahayag ni Vice Presidente Sara Duterte samtang dire ini opisyal nga nanunumpa.
Ini an nagin reaksyon ni De Lima mahuman nga igduon ni Sara Duterte nga legal an iya mga propyedad ngan waray hiya ginkakaatubang ngas kaso kriminal ha panahon han iya paglingkod ha pwesto ha gobyerno.
Sumala kan De Lima, an mga pahayag han bise presidente in magpapabilin nga “kwento” kun dire ini ig aatubang kumo sworn testimony ha sakto nga proseso han impeachment. Duon pa hini, ha mismo nga hearing dapat igpahayag ni Duterte a iya depensa ngan magpresente hin ebidensya.
Syahan na nga nahipatik ha hearing han House Committe on Justice an mga findings han Anti-Money Laundering Council nga mayda “covered” ngan “suspicious” transactions ha mga bank account ni VP Sara ngan han iya asawa nga hi Atty. Manases Carpio.
