TACLOBAN CITY – Ginpasabot han Department of Education Tacloban City Division nga matikang na an ‘undisturb vacation’ han mga magturutdo ha maabot nga Abril 19, han presente nga tuig.
Nakatalaan naman nga maghuman an nasabi nga bakasyon ha Mayo 18, 2025.
Pag-abot naman han Mayo 19 in magtitikang na dayun an Brigada Eskwela, ngan pagka-Hunyo 16 in matikang na klase.
Ha lain nga bahin, sumala kan Department of Education Tacloban City Division, Information Officer, Dr. Nilo Eder, kinahanglan nga mahuman an mga graduation ngan moving-up han nga istudyante ha Abril 15 ha ngatan nga iskuylahan.
Samtang, mahugot naman nga igindidire an pag-imbitar ha mga politiko kumo guest speaker ha mga graduation ceremony, kun diin nagdig-on an DepEd nga hira in non-partisan nga buhatan nga dire nira karuyag nga mabutangan hin bisan anu nga kolor hin politika an edukasyon.
