TACLOBAN CITY – Nagpatuman na an haros katunga ha mga eskwelahan ha Southern Leyte, hin modular classes ha ira mga estudyante matungod na gihapon ha kapaso han panahon.
Sumala kan Daniel Maturan, Information Officer DEPED Southern Leyte Division, nga presente yana nga nagpapatuman hin mga shiftting of in-person classes to modular learning modalities, ngan kasagaran dinhe in mga elementarya, matungod nga dire akos han mga estudyante ilabi na kun an mga ine in mga kabataan pa.
Dugang pa han mao nga opisyal, mas maupay nga nagpatuman hin modular learning classes agud nga maatimanan an mga ine han ira kag-anak.
Ginpaangbit naman hine, nga madepende naman ha kada-eskwelahan an desisyon kun san-o mabalik an mga estudyante ha in-person classes, matungod nga may pipira ha mga ine in nagpatuman hin 1 ngada 2 kasemana nga modular learning modalities.
