TACLOBAN CITY – Nananawagan an Department of Education (DEPED) bahin han strikto nga pagpatuman han No Contribution Policy ha mga eskwelahan haira pagdumara han mga graduation rites o end of school year rites.
Sumala kan Dr. Nilo Eder, tagapagyakan han DEPED Tacloban City Division, ginhahangyo nira ha mga eskwelahan nga himuon nga simple pero mahinungdanon an ira mga graduation ceremonies nga dire na kinahanglan nga magkaada hin kontribusyon an mga kag-anak o mga estudyante.
Dire gihapon daw kinahanglan o required nga magsul-ot hin toga an mga graduates lugod in pwede nga nagpakauniporme la an mga ini.
Nahibaruan nga gintutugot na ha pira nga mga eskwelahan an limited face to face graduation ngan end of school year rites kadungan han pagpapahuruhukal han mga COVID-19 restrictions.
