Iginlatag na ni Education Sec. Sonny Angara an policy o patakaran ha pagbabayad hin overtime services ha mga magturutdo ha nasud.
Ha DepEd No. 26 s, 2025 o Guidelines on the Payment of Overtime Services of Teachers, ginsigurado ni Sec. Angara nga mababaydan an overtime services han mga magturutdo kun lahos na ha 6 ka-oras nga pagtu-tutdo.
Ginklaro gihapon ha nasabi nga guideline nga an overtime in kinahanglan may koneksyon la ha pagtututdo ha sakob han eskuylahan.
Makakakarawat hin bayad an mga magturutdo hin 125% han ira hourly rate para ha overtime ha regular nga adlaw han trabaho, ngan 150% naman kun magtratrabaho hira kada weekend, holiday, o special non-working day.
Sakop gihapon han polisiya an tanan nga full-tume teachers ha DepEd, kaupod an aada ha Alternative Learning System, magin hira man in permanent, subtitute, o provisional.
