Igpapatuman han Department of Education an mga bag-o nga aludayday agud masigurado nga talwas ha kalamidad ngan accessible ha persons with disability an mga bag-o nga pampubliko nga eskuylahan ha nasud nga igpapatuman ha Fiscal Year 2027.
Ha ilarum han DepEd Order No. 022, series of 2026, magigin madantoryo an mga pasilidad sugad han wheelchair ramps, tactile paving ngan PWD-friendly nga comfort rooms.
Igpapatuman gihapon an 40 maximum capacity han estudyante ha standard classroom sugadman an insakto nga bentilasyon han mga ini, ngan kinahanglan gihapon maakos han mga bag-o nga school buildings an hangin nga kaparehas hiton super typhoon ngan magnitude 8 nga linog.
Sumala kan Education Sec. Sonny Angara, panuyuan han bag-o nga standards nga magkamayda hin talwas, inclusive ngan maupay nga learning environment para ha tanan nga mga estudyante.
