NATIONAL NEWS– Ginpapag-adman na han Department of Education (DepEd) an pagpapatuman hin trimester system para ha tiarabot nga school year 2026-2027 kumo kaparte han usa nga “holistic approach” para ha mga estudyante.
Sumala kan DepEd Secretary Sonny Angara, panuyo han sistema nga magkamaya hin mas hamubo ngan parupadayon ngan panutduan, sakto nga pacing han mga leksyon ngan mas hamubo nga administrative burden para ha mga magturotdo.
Ha ilarom han trimester system, tutungaon ha 201 school days ha 4 nga term kun diin ha syahan nga term in magtitikang ha Hunyo – Setyembre; ika-duha nga term: Setyembre- Disyembre; ika-tlo nga: Enero- Marso.
Kada term in magkakamayda hin 54 – 61 ka-adlaw hiton pagtutdo, nga mayda minor nga pauway ha non-academic activities ngan enrichment blocks.
Subay ha DepEd magpapagawas hira hin policy guidelines kasumpay ha trimester calendar ha mga masunod nga adlaw mahuman nga makipag-konsulta ha mga stakeholder.
Kadungan hine, ginduduso gihapon han DepEd an mga “low-disruption alternatives,” kun diin an mga school celebrations ngan observances in mahihilakip ha aktwal outputs han klase agud nga malikayan an balaong ha klase.
