Gin klaro han Department of Education (DepEd) an nakatalaan nga transisyon tikadto ha trimester school calendar tinikangan ha School Year 2026-2027.
Ha usa nga pahayag, igin eksplikar han Education Department nga panuyo han nasabi nga reporma nga magpadayon an pag-aram ngan maibanan an masukot nga kadisturbo han klase.
Ginbuhat han ahensya an pagklaro kasunod han kritisismo tikang ha education groups.
Pero, subay ha DepEd, basar an polisiya ha gindumara nga haluag nga konsultasyon ha magkadiru-dilain nga lebel han mga magturutdo, lider han iskuylahan, mga kag-anak, istudyante, kutob ha mga tinaglawas han pribado ngan pampubliko nga sektor han edukasyon.
Ginmalatumat gihapon han ahensya an resulta nga nagpapakita nga maabot ha 53 kaadlaw tikang ha 180 kaadlaw han klase hadton SY 2023-2024 o kaparehas han tulo kabulan nga pag-aram an nawara mahitungod ha maraot nga panahon ngan iba pa nga aktibidad nga gawas ha pag-aram.
