Gin klaro han Department of Education (DepEd) an nakatalaan nga transisyon han klase ha trimester school calendar tikang school year 2026-2027.
Ha usa nga pamahayag, gin klaro han Department of Education nga panuyuan han mao nga reporma nga matagan hin higayon an mga estudyante nga magpadayon pageskwela ug maibanan an okupado nga oras han klase.
Gin himo han mao nga ahensya an pagklaro mahuman makakarawat hin mga kritisimo tikang ha iba-iba nga education groups ha nasud.
Sumala ha DepEd, igin basar an mao nga polisiya ha gin himo nga haluag na konsultasyon ha mga maestra, lider han eskwelahan, mga kag-anak, estudyante, ngan mga representante han publiko ug pribado nga sektor han edukasyon.
Dugang pa han ahensya, gumawas ha resulta han gin buhat nga konsultasyon nga maabot 53 tikang ha 180 ka adlaw han klase dida han School Year 2023-2024 an nawara mahitungod ha malain nga panahaon ngan iba pa nga mga aktibidad ha gawas han pagtututdo.
Agud ma adresar ini, gin tunga han mao nga buhatan an bag-o nga school calendar ha structured blocks kaupod na an opening block. Para ha syahan nga term, ini in para ha learner profiling ngan mga administratibo nga pangandaman; mas hilaba nga Instructional Blocks para ha padayon nga pagtutdo ngan pag eskwela, ngan End-of-Term Blocks para ha academic intervention, professional development sugad man para ha wellness han mga magturutdo ngan estudyante.
Gin klaro gihap han DepEd nga kaupod han three-term calendar an mas hiluag programa agud ayuson an edukasyon ha nasud kaupod na an pagtindog hin mga eskwelahan, pagpapahiluag han school-based feeding program, pagpapakusog han literacy ngan learning recovery interventions ug iba pa.
